قرّبي عصفورتينك واحضنيني شويّه !!

سوسني تالي الحكايا وانظريني اقبالك .. طيّري عصفورتينك واحضنيني شويّه

خلّي المشتاق يشرب من عسل فنجالك .. وارسميني في حياتك شمعتين وفيّه

لوّعيني يا عسا تلويعتي تهنالك .. وارفقي بي يا حياتي وارهنيكي ليّه

بادليني بالمشاعر في هجير وصالك .. واتركيني بين ذيك وبين ذيك وذيّه

بين نحر وبين صدر ايضمهم سلسالك .. والشفاه اللي من الشهد الحلو مرويّه

واطوي الليل بنهاره والنهار بـفالك .. واخلقي لي كم لحظه تحتويها النيّه

عقبك أيامي حزينه تحتري مرسالك .. والليالي حالكاتٍ بالأسى مطويّه

الفرح لا من لفاني قلت : مالي ومالك .. حالف إني ما تبوسم عقب غيبة ضيّه

بس أعانق في سما حبك خرز خلخالك .. الهدايا . صورتك . والرسمه العفويّه

السوالف .. طلبتي لك اتركيني ابّالك .. رجفة ايديني .. انتظارك بين روحه وجيّه

يا حياتي علميني كيفها أحوالك .. والله إني في غيابك حيلتي مكميّه

علميني كم رساله ظمها جوالك .. من جنابي لا قريتيها لفت عبريّه

بنشدك هي صورتي باقي وسط جزدالك ؟ .. هي عيونك تسهر بدمعاتها ليليّه ؟

سولفي لي يا عسا تالي الحكي يهنالك .. سولفي لي يا عساها حاجتي مقضيّه

سولفي لي يا عساني ما عدم مقيالك .. والوله لا تحبسينه لا لفى طاريّه

حسسيني بان شوقك وصّلك لهبالك .. واستفزي كل عرقٍ يرتجي عانيّه

وادهلي بي كل مدهل مدهلي مدهالك .. دامها كل الدروب المقبله مقفيّه

هي تساوت في عيوني كشفتك واسبالك .. دامني في جو ثاني ما ملكني زيّه

//
//

}{ محمـــــــــد حــــــــزام }{

//

.,. تحياتي الحاره للجميع .,.

اللـه اللـه ..
خلّي المشتاق يشرب من عسل فنجالك .. وارسميني في حياتك شمعتين وفيّه
كلمات كالصورة .. يراها كل من قرأهآ ..
تسلم ايدينك ..
وعسانا لاننحرم من طلتك ..
تحياتي لك

رووووووووووووووعه ياسالي

لاعدمناك