(أمي)

من ياخذ الدمعة لعينه و يعطين
بسمة أمل و اعطيه في الناس همّي
من يقسم الفرحة مع القلب ثنتين
من يشرب الكاس المعكّر بغمّي
ماغيرها تاجي على حاجب العين
امي ولا احدن في العرب غير امي


يا عين من يقرا كلامن تخفّين
يا قلب من يدري همومن تضمّي
من يعرف انه في حديثي حديثين
للناس ضحكاتي وللروح سمّي
ماغيرها تاجي على حاجب العين
امي ولا احدن في العرب غير امي


من خاطبي له داخل القلب حرفين
حرفين عز و ذاك يفداه دمّي
منهو اذا اخطيت يا صاح يجزين
عن زلتي بالصفح ماهو بذمّي
ماغيرها تاجي على حاجب العين
امي ولا احدن في العرب غير امي


لو ناخت ركابي على بابها اسنين
تلثم ثرى الأقدام والقلب مدمي
ماني بجازيها من العمر يومين
لحظة ألم منها بدمي و لثمي
ماغيرها تاجي على حاجب العين
امي ولا احدن في العرب غير امي





منقول